ភ្នំពេញក្លឹប គឺជាសមាគម មិនស្វែងរកប្រាក់ចំណេញ និងមានគោលជំហរព្យាក្រឹត្យ មិនប្រកាន់ពូជសាសន៍ ពណ៌សម្បុរ មិនប្រកាន់និន្នាការនយោបាយ និងមិនធ្វើនយោបាយ ។ ភ្នំពេញក្លឹប បានក្លាយជានីតិបុគ្គល ស្ថិតនៅក្រោមច្បាប់នៃព្រះរាជាណាចក្រកម្ពុជា ។
ភ្នំពេញក្លឹប មានគោលបំណងប្រមូលផ្តុំបញ្ញាណ ធនធានមនុស្ស និងមធ្យោបាយជាថវិកា សម្ភារៈ បច្ចេកទេស ដើម្បីគាំទ្រ និងទ្រទ្រង់ដល់សកម្មភាព ដែលផ្តល់នូវផលប្រយោជន៍ដល់សមាជិកក្លឹប សហគមន៍ និងសង្គម ដោយមានការចូលរួមពីំហាជន ជាបញ្ញាជន ធុរៈជន សប្បុរជនគ្រប់ប្រភេទ ។
ភ្នំពេញក្លឹបមានបេសកម្មរបស់ខ្លួនដូចខាងក្រោម ៖
-បង្កើតកិច្ចសហប្រតិបត្តិការ ផ្លាស់ប្តូរបទពិសោធន៍ និងជួយគ្នាទៅវិញទៅមករវាងសមាជិកក្លឹប
-ជម្រុញការអនុវត្តទស្សនៈវិជ្ជាវប្បធម៌សន្តិភាព សហប្រតិបត្តិការ និងការអភិវឌ្ឍដោយចេរភាព
-ផ្តួចផ្តើមគំនិត និងសិក្សាស្រាវជ្រាវអំពីគ្រោងធុរៈកិច្ច វិភាគទិន្នន័យសេដ្ឋកិច្ច និងជម្រុញវិនិយោគទុនតាមរយៈដៃគូក្នុង និងក្រៅប្រទេស
-ចូលរួមសកម្មភាពសង្គម បរិស្ថាន មនុស្សធម៌ សិក្សាធិការ និងអប់រំ និងបង្កើន ឱកាសការងារដល់យុវជនតាមលទ្ធភាពជាក់ស្តែង
